Онцгой Байдлын Ерөнхий газрын вэб сайт

Албан хаагчдын хойдын буянд зориулж ном хурууллаа

2012 оны 5-р сарын 18, Баасан гариг, 12:44 Олон нийттэй харилцах хэлтэс

nom_huruulab20120518_018ok

Ой, хээрийн түймэр унтрааж яваад амь эрсэдсэн албан хаагчдын хойдын буян болон түймэрт өртөж түлэгдсэн хоёр албан хаагчийн эрүүл мэндэд зориулж өнөөдөр Онцгой байдлын ерөнхий газраас Гандантэгчинлэн хийдтэй хамтран буяны ном хурууллаа. Гандантэгчинлэн хийдийн лам хуврагууд өдөр тутмын хурлын үйл ажиллагаандаа амь үрэгдсэн албан хаагчдын хойдын буян, түймэрт өртөж түлэгдсэн хоёр албан хаагчийн хурдан эдгэж илааршихын тухайтад ном хурж байна.

Сүүлд шинэчлэгдсэн: 2012 оны 5-р сарын 18, Баасан гариг, 12:56

Түймрийн голомтод ажиллаж буй албан хаагчид, нутгийн иргэдийг шинэ хүн, хүч хэрэгслээр хангахыг үүрэг болгов

2012 оны 5-р сарын 17, Пүрэв гариг, 18:04 Олон нийттэй харилцах хэлтэс

120410011 Өнөөдрийн байдлаар улсын хэмжээнд 14 түймэр асч, 6 түймэр цурманд байна. Хөвсгөл аймаг хамгийн их буюу 12, Булган, Архангай аймаг тус бүр 1 түймэртэй байгаа бол Сэлэнгэ, Хөвсгөлд тус бүр 2, Булган, Увсад тус бүр нэг түймэр цурманд байна. Үүссэн нөхцөл байдлын талаар өнөөдөр Улсын Онцгой комиссын хуралдаанаар хэлэлцлээ. Хөвсгөл аймгийн Цагаан-Үүр суманд гарсан 4 түймэр нийлснээс их хэмжээний талбай хамраад байна. Мөн аймгийн Ренчинлхүмбэ, Улаан-Уул, Цагааннуур, Ханх, Чандмань-Өндөр сум, Булган аймгийн Тэшиг, Сэлэнгэ аймгийн Түшиг, Цагааннуур суманд гарсан түймэр хүндрэх төлөвтэй байгаа тухай Онцгой байдлын ерөнхий газрын Гал түймэртэй тэмцэх газрын дарга, онцгой байдлын хурандаа С.Залуухүү танилцууллаа.

Дэлгэрэнгүй...

Нийтийн зорчигч тээврийн ажилчид гамшгаас хамгаалах мэдлэгээ дээшлүүллээ

2012 оны 5-р сарын 14, Даваа гариг, 10:57 Олон нийттэй харилцах хэлтэс

niitiin_teevriin_jolooch_nar_038ok Хот хоорондын нийтийн зорчигч тээврийн үйлчилгээ эрхэлдэг жолооч нарын дунд техникийн бүрэн бүтэн байдлыг хангаагүй, шатахууны нөөцгүй аян замд гарах, гамшгаас урьдчилан сэргийлэх мэдлэг дутуугаас зорчигчдын тав тухыг алдагдуулах, тэдний аюулгүй байдлыг хангаагүйгээс зорчигчдын эрүүл мэнд, амь насанд эрсдэл учруулах тохиолдол их байдаг.

Онцгой байдлын ерөнхий газраас ЗТБХБЯамтай хамтран хот хоорондын нийтийн зорчигч тээврийн үйлчилгээ эрхэлдэг аж ахуйн нэгж, байгууллагуудын ажилчдад зориулсан “гамшгаас хамгаалах” дадлагын сургалтыг зохион байгууллаа.

Дэлгэрэнгүй...

Аврагчдын ар гэрт мөнгөн тусламж олгоно

2012 оны 5-р сарын 10, Пүрэв гариг, 15:41 Олон нийттэй харилцах хэлтэс

Ой, хээрийн түймэр унтрааж байгаад түлэгдсэн хоёр аврагчийг өчигдөр Улаанбаатарт авчирч Гэмтэл согог судлалын үндэсний төвд эмчлүүлж байгаа бөгөөд аврагчдын биеийн байдал маш хүнд байгаа билээ.

Амь насаа алдсан болон түлэгдэж гэмтэн биеийн байдал нь хүнд байгаа аврагчдын ар гэр, эмчилгээний зардалд зориулж Засгийн газрын нөөц сангаас тодорхой хэмжээний хөрөнгө гаргахаар болсон.

Шадар сайд М.Энхболд, ОБЕГ-ын дарга Ц.Амгаланбаяр нарын бүрэлдэхүүн өнөөдөр Дорнод аймагт ажиллан амь үрэгдсэн албан хаагчдын ар гэрт Засгийн газрын нэрийн өмнөөс эмгэнэл илэрхийлж, мөнгөн тусламжийг хүлээлгэж өгөх, аймгийн Онцгой байдлын хэлтсийн бие бүрэлдэхүүнтэй уулзахаар явлаа.

Онцгой байдлын албаны бие бүрэлдэхүүн гүн эмгэнэл илэрхийлж байна

2012 оны 5-р сарын 10, Пүрэв гариг, 15:02 Олон нийттэй харилцах хэлтэс

ЭМГЭНЭЛ

Бидний зорилго нэгт, мөр зэрэгцэн ажиллаж явсан анд нөхөд Дорнод аймгийн Онцгой байдлын хэлтсийн эрэн хайх, аврах салбарын бүлгийн дарга, онцгой байдлын дэслэгч Чулуунбаатарын Намжилдаш, аврагч, онцгой байдлын ахлагч Жигмэддоржийн Одбаяр аврагч, онцгой байдлын ахлагч Сүхбаатарын Бат-Эрдэнэ, нар 2012 оны 5 дугаар сарын 8-нд тус аймгийн Баяндун сумын нутагт гарсан ой хээрийн түймэр унтраахаар албан үүргээ гүйцэтгэж яваад амь эрсдэж бид бүхэнд нөхөж баршгүй хүнд гарз тохиолоо.

Untitled-88810ok Untitled-8888_ok Untitled-8889_ok

Ч.Намжилдаш, С.Бат-Эрдэнэ, Ж.Одбаяр нар нь болзошгүй гамшгаас урьдчилан сэргийлэх, тохиолдсон гамшгийн хор уршгийг арилгах, хойшлуулшгүй сэргээн босгох үйлсэд ухамсарт бүхий л амьдралаа зориулан, ард иргэдийнхээ амь нас, эрүүл мэнд, эд хөрөнгө болон эх орныхоо байгаль дэлхий, түүний бүхий л үнэт зүйлсийг авран хамгаалахыг үүргээ гэж өргөсөн тангарагтаа үнэнчээр ажилласан эх орны шилдэг хөвгүүд, эр зоригийн алба-Онцгой байдлын албаны хамт олныхоо хүндэтгэлийг хүлээсэн тэргүүний офицер, ахлагч нар байсан юм.

Дэлгэрэнгүй...

Бусад мэдээллүүд...